..::: إتحــاد ثـوار مـن أجـل التـغـيـيـر :::..

إحتجاجات وحرائق بالمباني الحكومية باليونان

الكاتب: كامل عشري الإثنين, 13 شباط/فبراير 2012 00:05

اليوم الأحد الموافق  2012/2/12

قام المحتجين في اليونان بحرق عدد من مباني الوزارات والمباني الحكومية نتيجة قيام المحتجين بحرقها ..

لكن على فكرة لم يقوم الأمن في اليونان بقتل أو سحل أحد أو إستعمال حتى الخرطوش ضد المحتجين ..

وعندما سألوا مصدر غير مسئول في مصر .. لماذا لم يتعرض الأمن اليوناني بقوة مفرطة ضد المحتجين ..

فقال بالتأكيد لأن المحتجين وهم بيحرقوا الوزارات لم يكن أحد منهم يشتم الأمن ..

هكذا عرفتم أيها  المصريين ليه إنتم بتتسحلوا وتترشوا بالخرطوش ويتم ذبحكم

في الإستاد وقتلكم في ماسبيرو ومحمد محمود ومجلس الوزراء .. علشان بتشتموا الجنود

وسألوا أحدهم في مصر لماذا لم يقوم الأمن بقتل المتظاهرين في اليونان .. فقال ..

لأنهم ليس لديهم مشايخنا اللي يفتوهم بالقتل ويبرروا لهم أفعالهم وهذا خطأهم

ونرجوا اليونان أن يستوردوا هؤلاء المشايخ ويقوموا بالتخفيف علينا الضغط 

وسألوا أحدهم في مصر هل الشعب اليوناني مخطأ لأنه حرق الوزارات ..

فقال .. يستاهلوا .. فسألناه من اللي يستاهل .. قال الوزارات إيه اللي موديها عند الشعب

وسألوا مصدر مطلع أكد أن هذا الحريق والإحتجاجات مخطط لتقسيم اليونان

وقد كان خطأ اليونان الأساسي عدم وجود قناة cbc كانت قد تنبأت بالحرائق قبل حدوثها

ويتردد الأن في الأوساط السياسية اليونانية بأن هذا الشباب المتظاهر ليس شباب عادي حيث عبر أحدهم في دهشة وقال :

لا لا لا مش ده ابدا شباب اليونان الطاهر بتاع زمان

ولكن تم ترجيح نجاح المظاهرات والاحتجاجات لأنهم

مظاهرات اليونان هاتنجح لان معندهومشى لا بابا ولا شيخ ازهر ولا حزب النور ولا الاخوان ولا ساويرس ولا خطة ماسونية عكاشية ولا شفيق وعمر

سليمان ولا مجلس عسكرى ولا شيوخ فتوات الفتاوى ولا أتباع قطيع لا يفكرون ولا يفعلون سوى ما يؤمرون من أربابهم الدنيويين

أحلى التويتات التي علقت على الموضوع

الى ثوار اليونان فككم من الريس و اخلعو المشير الاول

نصيحة للاخوة اليونانين بلاش شغل سلمية وتنطيف الشوارع ودهان الرصيف دة

انباء عن مشاورات مع ابو قراط و سقراط لتشكيل حكومه تكنوقراط

حرام عليكو يا يونانيين :@ :@ انتو مش عارفين ان في بياعين فريسكا بيشتغلوا باليومية :@ :@ تبا لكم ‎:)‏))))

ابطال على مين يا مصريين ؟؟ تعالوا شوفوا اليونانيين

أنباء جادة عن تدريب بعض الثوار اليونانيين في مصر! بلاخيبة ثوارنا طيبين!يتفقعله عين ينزل تأني تتفقع التأنية وبعد كدة ما عندناش خرطوش

رسالة ثوار اليونان لثوار مصر: إحنا مش بتوع منصات، إحنا منصتنا استوديو الهوا في ماسبيروس

لا للمحاكمات العسكرية للاغريقين .

حيقسموا اليونان, حيحرقوا اليونان, حيروحوا النار

وكل ده بيحصل لحكومة منتخبة ومع ذلك محدش اتكلم عن هيبة البلوة ولا شرعية البرطمان ولا حاجة

عاااااااااجل الجنرال كوستا الرويني : حركة 6 اغريق اليونانيه تقلت تدريبات في أسكندريه ... تحت كوبري ستانلي

يابني اليونان عدت في ليلة واحنابناخد على قفانا

الجدع جدع والجبان جبان ,,, واحنا يا جدع رايحين اليونان

اليونان مش تونس ومش زي مصر ومش ليبيا اليونان وضعها مختلف

ولكم في اليونان عبرة يا اولي البرلمانات

الشباب بتوع اليونانيين اقتحموا التلفزيون من أول يوم، آسف لاحباطكم بس اليونان مشتعلة من سنين، المشوار طويل

سيده مسنه يونانيه تتصل بالبرنامج الشهيرازربما اليوننني وتقول للمذيع"خيري ستفانوس"اليونان بتاع الاخنا "بتتخرئ" يا خريستو

إقتحام مبنى التليفزيون اليوناني .. الثوار استولوا على ماسبيرو اليونان جاتنا نيله فى ثورتنا الهباب ‎

هي شرطة اليونان دي خرعه كده ليه،الا ما شفت صورة واحده فيها عسكري بيضرب،خدو سامي سيدهم يومين يمكن ينفعكوا .

المطرب حمادة كوستا يغنى: شهداء اثينا ماتوا فى احداث اثينا فى اثينا

الفنانة عفافوس شعيبوس : احنا احنا مُنهاريين ولاد أخويا كوستا مش لاقيين (بيتزا وريش يونانى) ‎

جماعة الإخوان اليونانيين ترفض المشاركة فى أحداث شارع محمس محموس

خايف ادخل انام و اسيب ثورة اليونان تفوتنى فقرة علياء المهدى

الحكومة اليونانية تقول أن ميدن نابولي لا يمثل الشعب

مؤامره لتقسيم اليونان الي تسع خمارات واربع مراحيض عامه واحنا عارفين اللي وراها

عزيزي الثائر يرجي ملاحظة ان الثوار في اليونان بيضربو مولوتوف و مش بيترد عليهم بطلق رش ولا خرطوش ولا مواطنين شرفاء حكومة نظيفة والله

المجلس اليونانى العسكرى،، فى بيانه يؤكد ان حركة شباب 6 إغريق هى المسئولة عن اعمال الشغب الواقعه باليونان وهناك اطراف خارجية واصابع تلعب